《三姑回門》是廣州五桂堂木刻版（二卷二册），《新選全本緑窗閨女送嫁時興歌文》中的一回。實際上這種另類木魚歌是粤調送嫁歌的合集，不過已幾經民間藝人之手，故事化而串演起來。這些宣傳傳統婚俗的木魚在廣府各地區又有不同的變异。本集所選的《三姑回門》就是名同實异的改編本，爲失明藝人梁子庚演唱恩平木魚的記録稿，在五邑地區流傳不衰。故事叙述一對夫妻的女方三姑，在滿月後回到娘家。因夫婦相愛和睦，三姑不時在街坊和姐妹面前夸奬自己的丈夫，受到了家人和鄉里的羡慕和稱贊。本文語言檏實、生動，全篇洋溢着夫妻相愛和家族和諧的氣氛。這首恩平木魚和廣州五桂堂本比較，全文壓縮了一半以上，語言較爲生動活潑，内容健康，富有地區特點和生活情趣。

　　結婚禮爲人生大禮。古人雲：終身大事。它是用隆重的儀式明確地表明一個人進入了建立家庭、繁衍後代，發展家族的階段。古來有六禮：一納採，二問名，三納吉，四納征，五清曰，六迎親。各地又有因地制宜的變异。

　　六禮過後至新婦進入産育期和第二代誕生禮之間，是過渡期。之中最重要者爲新婦“歸寧”，即“回門”。這種初次的回娘家，實質上是夫妻生活和親戚關係要女方家族的認同，也是給女方一個申訴的機會。雖然城鎮賣書的坊間充訴不少禮儀大全之類的册籍，但對於農村絶大部分不識字的農民，總是由喜見樂聞的文藝方式傳播這些知識較爲直觀和方便，因而深受歡迎。

　　下面録上廣州五桂堂木刻本的全部目録：

　　

　　上卷：

　　王宅送日趕辦妝奩上頭開面大開炭埕

　　諸親送嫁同心哭别設筵告祖胡氏訓女

　　下卷：

　　會友送號王府迎親食暖飯堂拜堂行禮

　　梅酌謝客子弟鬧房三姑回門吉慶團圓

　　

　　從中我們可以窺見恩平地區一方水土婚嫁風俗的禮儀和程序；對老百姓來説，這類“歌文”既有實用性又有娱樂性，今天也是珍貴的婚嫁民俗資料。此歌文用木魚調、嘆情調和題四句聯綴演唱。

　　《三姑（三姑：即排行第三的三姑娘。）回門》（選段）

　　燈欲暗，去把油添，從容慢慢對君言：“奴係中秋歸到郎門上，重陽過了又幾天。共君算來幾日，轉眼時光一個月辰。今日爹媽買盒檳榔來接我，使我明朝吉日正好回門。提起回門心火起，可恨爹媽心腸偏。話我顔容醜鬼玷（玷：玷污（父母的顔面)。）佢門面，話我唔能嫁夫配佢有錢。擰時（擰時—即臨出嫁時。）大姐行嫁三大件，二姐出門大小丫環拌身邊。奴奴出嫁當送客，計埋唔及二姐佢一件小妝奩。想起爹媽情唔想去，總係鄉村俗例難改變。”新君聽罷忙答語：“妻呀，你一般心事我亦知全。雖則你爹媽情唔寵愛，你也應回去會同年（同年：這裏爲同年紀和姊妹女友）。但係去時莫去久，最好唔能超過十天。”三姑聽罷微笑答：“奴奴心中亦把郎牽。若係同群姐妹留緊我，最遲月尾一定歸旋。”離情迭迭長夜講，不覺譙樓鼓打五更天。忙開妝盒來梳洗，梳靚頭髻插朵花鈿。身穿紅袍衫一件，結底花鞋换對穿。轉身步出廳堂去，新君來話别，誰知轎夫手快放下吊簾。

　　一直去到親娘屋，滿堂人在吵吵喧：“昨日我個門樓係新整過，况且池塘新整一只采蓮船。”“昨日我個老爺賀誕壽，人人話我祖父禮法各樣齊全。但是我個家婆話我駝前背，總係腰駝背曲享得外家（外家：女方親家家屬。）財。”“好咯，你各人有事回身轉，等我姐妹行埋細講細斟。”扯扯掹掹（扯扯掹掹：拉拉扯扯。）入廳房内，賢心姐妹賽講閑言：“姑呀，你居到郎門一個月，姑爺對你愛或嫌?”三姑聞言微笑答：“家門和順乜愁怨。講到新君性情唔係醜，我花皮只眼駝背佢話唔嫌。佢話外表生得唔好唔要緊，重要勤儉情義真。還話靚過楊貴妃都係假，刁翹扭擰（刁翹扭擰：諸多刁難狀。方言。）不值一文錢。佢生得唔高又唔矮，奴奴齊到佢膊肩。佢唔會貪花唔會賭，十分高興置便幾個錢。左鄰右裏個個都話佢好，話佢有情有義唔呃（呃：騙。方言。）又唔騙。我日間廳房勤針黹，夜來紡紗五更深。有日奴奴得了病，佢見奴有病亦不成眠。三更半夜無月光，還出街頭請位老（老：方言。這裏指大夫，醫生。）先。”姐妹聽罷齊拍掌：“勢唔估到姐夫得咁賢。料姑思想難拆别，等我明朝早早送你歸旋。”三姑答言：“鬼共你講，有誰共你講閑言!”解姑聞言哈哈笑：“爲何三姑咁發顛?大姐回門唔見講，二姐回歸咁多言。總係三姑回門唔怕醜，時常把你丈大夸在口唇邊。”大嫂答言：“真有理，姑呀從今唔好亂開言。若係姑爺寵愛你，夫妻和順不好外傳。”三姑聽罷抽身起，剔起銀燈答句添：“皆因奴奴心安樂，講下講下講入魂。”

　　好咯，瑣碎言詞唔講亦罷，免至同群姐妹不入眠。