晚清“列强虎視”，“中土逐片被凌遲”；又老又糊涂的官員活像“走肉行屍”，只識對人民抽捐，又激起“粤西民變”。國事“滿目瘡痍”，於是短曲木魚《真正閉翳》問世了。作者驚呼“大局垂危”，今覺醒之“國民”，“真正閉翳（實在憂愁）”。

　　作者“攝（墊）高枕頭”“晚晚想到五更”，想到了“物腐蟲生”和“責嚇（責備一下）自己”，想到了“我地（我們）男女有一種弊”：八股文和纏足。若不解决這兩端，便不能“有國手醫”，“重講乜（還説什麽）中華學泰西?”

　　作者最後呼吁大衆“除積弊”，並説施行維新法子第一要心齊。由此可知《真正閉翳》是一首憂國憂時，宣揚維新的作品。和當時宣揚維新思想的作品一樣，作者並未看清問題的本質，不提通過武裝鬥争推翻腐朽的封建制度，但在宣傳先進的思想方面，却是功不可没的。《真正閉翳》這首木魚短曲，反映了維新啓蒙思想在珠江三角洲一帶的傳播，也是當時民心的見证。

　　《真正閉翳》（全文）

　　真正閉翳（閉翳：憂愁，廣州方言。），大局垂危，做乜我地支那國運咁低?列强虎視係咁眈眈勢，滿洲政府任佢施爲。佢的白須紅頂（白須紅頂：白須，指年齡老；紅頂，指做官。全句意爲又老又糊涂的官員，滿身快入土的黄泥味，都是些行屍走
肉。）係身臭黄泥氣，分明盡係走肉行屍。今日去賠錢，明日去割地，個塊完全中土逐片凌遲（凌遲：古時分割犯人肢體至死的一種酷刑，這裏意爲宰割。）。佢痛癢絶不相關唔介意，重重抽剥都係漢人脂。今日拳禍（拳禍：拳，指義和拳（團）；拳禍，指1900年義和拳萬人入北京興起驅逐洋人的運動。）已平拒加倍放肆，國民生計總總不知。粤西民變（粤西民變：指1907年，廣東欽州三郡人民抗糖捐聚二三千人起事。首領劉恩裕組織“萬人會”抗擊清軍。）因爲抽捐起，滿目瘡痍未必有國手醫。自家性命不是兒嬉事，積薪厝火定有一日燃眉。心肝剔起（心肝剔起：指重新拿定主意。）去尋生理（生理：生計。），未雨綢繆及早見機。總係曉得責人須責下自己，試想我堂堂中國點解被人欺?物腐蟲生原係至理，枕頭攝起我晚晚想到五更時。本來黄種係神明裔，乜事於今做得咁墮落鷄?佢藐視中華都的所謂（的所謂：廣州方言，指完全不放在眼内，不懼怕列强藐視。）講起番來氣爆肚皮!我地男女分明有一種弊：八股文章共個對扎蹄（個對扎蹄：扎蹄，原是粤菜中一種干制燒臘食品。這裏指婦女纏足的一對小脚。有奚落諷刺之意。當時認爲八股、纏綿足、鴉片是三大公害。）。大扺八股與扎蹄同—樣氣味，纍人累世兩兩相依。論婚只可求登對，做乜才德唔拘，先要講呢件問題。至到村愚婦女等想着金蓮細，但得體態輕盈怕乜脚跛。佢話大脚好行唔好睇，點似我地紅裙襯住個只鳳凰鷄。扎實京布幾層亦要死扺（死扺：拚命忍受。），好似風前弱柳鎖住愁眉。咁樣逞奇兼獻媚，女權唔重更慘過地獄沉迷。更有個的文人學士終日談經濟（經濟：指做官的仕途。），“者也之乎”到處發揮。十年心血嘔盡心和肺，一舉成名闊到地擠（闊到地擠：指財物多到没地方擺放。）。横行亂做恃盡紳衿勢，一年鄉内好事多爲。所行所言非係正體，更有的唔生性（唔生性：這裏的性指善良的本性，唔生性就是説没有生出善良的本性；下文具體指收陋規、貪污、行賄等腐敗行爲。）。收下陋規。此外國是所關佢唔曉滯（唔曉滯：不大懂得，廣州方言。全句意爲不懂得這是關乎國家命運的大事。），重講乜中華學乜泰西（學乜泰西：乜，什麽；泰西，指歐美各國的新科學，新思想，新技術。先進的思想方面，却是功不可没的。）?更不知各國船堅砲利，你揸住個篇八股未必打出重圍。不若我男女合群求一個實際，除積弊，免至爲奴隸，總係維新法子第一要大衆心齊。

　　　　　　　　　　　——録自《真好唱》第三集