|
| 邊睇魔鬼魚暢泳，邊擦餐勁，真係幾寫意 |
母親節、父親節就到。正所謂“百行孝為先”，有諗住帶兩老去邊慶祝，報答嚇養育之恩嘅話，海洋公園可能係你嘅新選擇！事關佢哋喺今個禮拜六起，首推免入場費園內餐飲服務，淨係畀錢就可以到海龍王餐廳享用半自助晚餐，成人收費每位520蚊，小童長者半價。一邊觀賞魔鬼魚和鯊魚在水中暢泳，一邊品嘗美食，夠曬寫意兼特別。
位於“海洋奇觀”水族館內嘅海龍王餐廳，喺今個月6日至下個月30日起，每個周六及周日都會搞“母親節及父親節半自助晚餐”。想帶阿爸阿媽去？鄭晴提提你，記得要先網上預約，就可以夜晚六點後入海洋公園食餐飽。為咗活動，餐廳仲延長營業時間至九時半前，不過公園其他設施就唔會開咁夜啦。想玩嘅話，建議你都係早啲入場。
食物方面又點？除咗挪威三文魚、阿拉斯加蟹腳及澳洲龍蝦等環保海鮮外，母親節半自助晚餐主題係龍蝦，至於父親節就食牛扒。
計下數先，以往入場費加食飯（連加一）每位至少使過千蚊，而家免入場費，即係每個人慳咗438蚊！（來源：大公網） |
