|
| 圖：為林鄭站台的一班後生仔，有不同派別陣營理念嘅人，林太用行動證明修補社會撕裂（來源 大公網） |
中評社北京3月28日電／候任女特首林鄭月娥講明要“修補撕裂”，絕對唔系口號咁簡單嘅。嗱，《蘋果日報》尋日開始玩起底咁話，為林鄭站台的一班後生仔，驚見“黃絲”，其中有參加過“佔中”的，又有參選過大學學生會的，仲有“學民仔”，逐一點名細數。系人睇到都話毒蘋果又玩挑撥、抹黑把戲。
起底報道當中加咗“變節”啊、什麼“華麗轉身”等標簽化形容之外，又搵來諸如香港眾志的黃之鋒，大談對有學民仔入建制“好失望”咁話，鄭晴聞到一陣酸味，攻鼻到令人想嘔，對呢啲爛蘋果玩慣玩熟的腦殘言論，鄭晴真系覺得好好笑囉。
林太與青年同行，要修補社會撕裂，其實都是講出當前社會大眾的心聲。佢嘅站台者中有不同派別陣營理念嘅人，就是行出咗第一步，亦證明林太是行動派，如果更多年輕人都能夠睇清楚社會撕裂的百害無一利，有勇氣站出來，鄭晴真心覺得團結前行一片光明。
（來源：大公網） |
