|
| 鄭耀棠表示，功能界別會顧及全港利益，亦可由普選產生。 |
中評社香港2月16日電／泛民溫和派不斷伸出“橄欖枝”，希望與中央政府及建制派對話達成政改方案共識，“政制向前走大聯盟”召集人鄭耀棠強調，若泛民主派放棄堅持“二○一二雙普選”，“二○一七係點、二○二○年係點，完全係有得傾”。有關功能組別存廢，鄭認為，“泛民唔好認為功能組別，一定係洪水猛獸……只要做到普及而平等，功能組別點解唔可以係普選產生。”
星島日報報道，鄭耀棠開宗明義地指：“若佢哋（民主黨及終極普選聯盟）堅持二○一二雙普選，我哋（政制向前走大聯盟及建制陣營）點同佢哋埋位（討論），我哋無可能做一啲根本無可能實現的嘢，亦都無理由做一啲呃選民的嘢”。
鄭又指：“除二○一二雙普選，其他問題完全有得傾……如果佢哋走出黎講，話決定唔要二○一二雙普選，話大家要研究一下，二○一七點樣點樣、二○二○點樣點樣，完全有得傾，目前大家要務實一啲、理性一啲，面對香港的民主步伐”。
泛民主派目前堅持在二○二○年，普選立法會時全面取消功能組別，鄭認為：“泛民主派成日話功能組別只係保護業界利益，但分區直選都只會顧及選區利益，功能界別係會顧及全港的利益，只要（選舉制度）做到普及而平等，功能組別點解唔可以係普選產生”。
至於如何令功能組別選舉達至“普及而平等”原則，鄭指：“呢樣唔難做到，只要將所有選民，在登記做選民時，自己選擇所屬界別，呢樣唔難做到……而家分區直選都唔係百分之百的選民都喺當區居住，呢樣都係有問題，功能組別只要分行業做到普及而平等，我睇唔到有任何唔對的地方”。
鄭耀棠又指：“我哋都希望大家都可以有共識，政治啲嘢，邊度有輸贏，大家一定要達至雙贏，淨係你哋（泛民主派）一面贏晒，咁邊好玩㗎……今時今日你哋可以利用喺立法會三分之一的少數，去否決一個政改方案，但你到二○一七年普選特首時都係咁樣否決的話，咁個普選就無架啦，經過過去的爭拗之後，大家都要理性去討論呢個問題，香港的政制唔可以再次停滯。” |
