譚志源早前一句《中英聯合聲明》已完成歷史任務，引來新界鄉議局元朗中學的校友及學弟妹在報章刊登聯署信，譴責他“顛倒是非、為政不公”，提醒他勿忘校訓“務本力學”。問他是否一直本著良心做事，他不假思索說道：“當然”。他強調，從事公職最重要知自己做事目的，並依法律及規矩行事，“我們所做係平衡利益嘅政策，平衡利益裡面冇話對與錯……有時講嘅唔係一啲基本良心，其實(良心)take it for granted(理所當然)一定要有嘅，如果唔係你自己都好痛苦……”
不為當下政治需要犧牲長遠利益
他強調政策取捨要因時制宜，“我自己取捨不嬲會睇香港整體利益，同埋長遠利益。”但他說，“我愈嚟愈傾向，唔俾當下政治需要、為咗解決一時當下政治問題，而犧牲整體同長遠利益做一啲嘢，呢個感覺愈嚟愈強。”他又說，“我啲師弟妹，希望有一日都明白，做政府都唔係想像中咁容易。”
近年香港發生很多荒謬的事，很多人感覺香港已非大家認識的香港，他對此不以為然，“我諗香港冇變，但政治環境、管治生態、面對問題嘅複雜性、有理說不清，係比我廿幾卅年前入政府艱難咗好多，所以有時我會覺得反而做‘o靚仔’時，返工放工或處理嘅事，容易過依家，雖然經驗多咗、人老咗，但好似辛苦咗同埋吃力咗！”譚志源無提人工亦隨著升官而水漲船高，他聞言即笑說，“我成日都話，人工一部分都包埋(意指被外界批評)”，說畢即格格大笑，再露招牌笑聲。 |
